Bases do sorteo

BASES DA PROMOCIÓN:
1)  OBXECTO
 
A Asociación de Comerciantes ENTRETENDAS CCU do Concello de Sanxenxo, desenvolverá  do 21 de novembro de 2011 ao 29 de decembro de 2011, ambos inclusive, a campaña “NADAL 2011 de ENTRETENDAS CCU”. Esta Campaña pretende transmitir aos consumidores un atractivo promocional que incentive a realización das compras nos establecementos asociados, ofrecendo a posibilidade de acadar importantes premios.
 
2)  ÁMBITO DA PROMOCIÓN
 
Esta promoción terá o seu ámbito nos establecementos comerciais e demáis empresas integradas na Asociación, e que pertencen ao concello de Sanxenxo, que decidan voluntariamente participar na mesma (sempre e cando os mesmos se atopen abertos ao público e en normal funcionamento durante o período indicado). Un establecemento que non participe na campaña non poderá entregar os códigos da promoción. As bases estarán dispoñibles na páxina web www.entretendas.com.  
 
3)  PREMIOS
 
Os premios DIRECTOS consistirán en:
 
	•	20 CESTAS DE NADAL (importe valor de 50,00 € por unidade)
	•	Premio asociado…
           


ENTRETENDAS CCU resérvase o dereito a entregar aos gañadores outro premio de iguais ou similares características.
 
4)  DEREITO A PARTICIPAR E ACCESO Á CAMPAÑA
 
Trátase dunha campaña de balde dirixida aos clientes-consumidores das empresas asociadas participantes. Pode participar calquera persoa física que realizara algunha compra ou servizo no comercio ou empresa asociada durante o período de vixencia da promoción (do 21 de novembro 2011 ao 29 de decembro de 2011).
 
A cada cliente entregaráselle unha tarxeta por compra, cun código impreso único alfanumérico, válida para un só uso, que o consumidor poderá validar calquera día da semana, as 24 horas do día e ata ás 20:30 h do 29 de decembro de 2011 a través da web: www.entretendas.com. Chegadas as 20:30h. do 29 de decembro de 2011, rematará a posibilidade de que os participantes continúen validando códigos.
 
O establecemento participante poderá entregar os códigos pola compra (importe de compra e número de códigos por importe) ó seu criterio, información que deberá estar exposta ao público xunto coas presentes bases.
 
Aquelas persoas que non conten con medios técnicos ao  seu alcance, poderán acudir á sede de ENTRETENDAS CCU para validar os seus códigos.
 
Para participar, os usuarios deberán introducir os datos do código único da súa tarxeta. De seguido, deberán rexistrarse con datos:

NOME
APELIDOS
TELÉFONO
DATA DE NACEMENTO*
E-MAIL*
LOCALIDADE
ESTABLECEMENTO NO QUE REALIZARA A COMPRA  
IMPORTE DO TICKET DE COMPRA*
*campos opcionais

Unha vez cumplimentados os campos requeridos de xeito correcto, o sistema informará automáticamente ao cliente, da súa participación no sorteo CAMPAÑA DE NADAL 2011 de ENTRETENDAS CCU.
 
Na campaña entran en xogo os códigos, non o rexistro da persoa, polo que cantos máis códigos teña unha persoa acumulados, máis posibilidades terá de resultar premiado.
 
Os gañadores serán publicados na páxina web de ENTRETENDAS CCU e serán contactados polo promotor dacordo cos datos do rexistro. É imprescindible gardar a  tarxeta xunto co ticket ou factura de compra (cuia data deberá corresponderse coa duración da campaña, entre o 21 de novembro e o 29 de decembro, ambos inclusive) ata como mínimo 1 mes despois de realizar o sorteo posto que solicitaráselle, si  resulta premiado. Tanto as tarxetas de códigos como os tíckets e/ou facturas deberán coincidir cos datos introducidos e a data rexistrada polo cliente na participación vía web.  

Cada cliente poderá participar tantas veces como códigos obteña mediante a compra ou contratación de servizos, aumentando deste xeito as súas probabilidades de resultar gañador.
 
A presente promoción farase con igualdade de oportunidades e con estricto respeto ás normas básicas da boa fe. Por elo, calquera utilización abusiva ou fraudulenta destas Bases dará lugar á conseguinte exclusión do participante na promoción. Tódolos datos introducidos polo participante deberán ser veraces. No suposto de que o participante rexistrárase con datos falsos ou utilizara de xeito inadecuado tecnoloxía informática para acadar obxectivos fraudulentos, non se terá en conta e quedará excluído da promoción e da posibilidade de optar a premio algún. A constatación de calquera destas circunstancias suporá a descalificación automática do participante. No caso de constatar as citadas irregularidades con posterioridade á aceptación do premio, ENTRETENDAS CCU, resérvase o dereito a exercitar tódalas accións legais que lle asistan contra os infractores.
 
5)  PROCEDEMENTO DO SORTEO

SORTEO DOS PREMIOS DA CAMPAÑA NADAL 2011 ENTRETENDAS
 
O sorteo celebrarase o xoves 29 de decembro de 2011 ás 20:30 h , en reunión de Junta Directiva celebrada a tal efecto, a través dunha aplicación informática constistente en facer unha elección aleatoria entre os códigos participantes. Elexiranse 1 gañador e 2 suplentes do premio por comercio participante (así considerados por orde de elección).
 
ENTRETENDAS resérvase o dereito a sortear igualmente aqueles premios que non foran outorgados de xeito directo, por non introducirse o código correspondente.
 

6)  ENTREGA E ACEPTACIÓN DOS PREMIOS
 
ENTRETENDAS CCU porase en contacto cos gañadores da campaña de NADAL 2011 ENTRETENDAS no número de teléfono facilitado ao participar na promoción, a partir do  30 de decembro de 2011.  Para elo realizaránse tres intentos de comunicación telefónica, durante tres días nun período dunha semana. Unha vez contactado o gañador deberán confirmar no prazo de 5 días hábiles por calquera medio escrito a súa aceptación do premio. No suposto de que o gañador non aceptara o premio nas condicións e prazos establecidos ou non puidera ser localizado mediante os datos facilitados, pasarase a identificar aos suplentes por orden, seguindo idéntico proceso. De resultar infructuoso o intento, o premio quedará deserto.
 
Ningún dos premios da presente promoción poderá ser obxecto de cambio, alteración, compensación o cesión a petición dos gañadores.
 
Os gañadores dos PREMIOS, deberán recollelos nun prazo de 30 días dende a data de finalización da promoción (data límite de recollida: 29 de xaneiro de 2012).

A entrega efectiva dos premios, farase polo asociado participante no seu comercio, que poderá ser mediante acto público.
 
7)  OUTRAS CONDICIÓNS DOS PREMIOS
 
	•	En calquera dos casos,  os premiados deberán entregar a tarxeta co código premiado e o ticket ou factura de compra ou servizo correspondente que cumpra as condicións da promoción e dos datos introducidos na web no momento da participación, nos prazos establecidos previamente para a identificación do premiado.
	•	É imprescindible conservar o ticket ou factura. ENTRETENDAS CCU poderá denegar a entrega do premio no caso de que o participante non o entregue xunto coa tarxeta do código.  
	•	ENTRETENDAS CCU resérvase o dereito a non aceptar: tickets ou facturas ilexibles, manipulados, falsos ou con calquera defecto ou anomalía que impidan ao  seu recoñecemento ou validez de participación nesta promoción.
	•	ENTRETENDAS CCU resérvase o dereito de denegar a entrega do premio, no caso de que a data do ticket e/ou a hora que consta no mesmo, sexa posterior ao ingreso do código ao sistema que figura na web e en base a cal realízase esta promoción.
	•	O período de reclamacións ao promotor finaliza en 7 días hábiles transcurridos dende a comunicación ao gañador.

 8)  LIMITACIÓNS PARA PARTICIPAR
 
ENTRETENDAS CCU resérvase o dereito, se concurre causa xusta e previa comunicación de xeito legal, a efectuar calquer cambio, suspender ou ampliar esta promoción. A simple participación implica a aceptación destas Bases na súa totalidade, polo que a manifestación, no sentido da non aceptación das mesmas, implicará a exclusión do participante e, como consecuencia, ENTRETENDAS CCU, quedará liberada do cumprimento da obriga contraida con dito participante.
 
Así mesmo, os participantes comprométense a admitir a decisión interpretativa que ENTRETENDAS CCU poida darlle sobre as presentes bases ou sobre calquera cuestión derivada da promoción contemplada nestas.
 
O gañador de calquera dos premios non poderá ser o propietario/titular/socio, os seus empregados, conxuxe, nin familiar de 1º grao descendente ou ascendente (fillos/pais) do establecemento onde fóra realizada a compra e entregada a tarxeta de código. Dada a imposibilidade material por parte de ENTRETENDAS CCU de identificar as persoas mencionadas anteriormente, de resultar calquera delas agraciadas e de coñecerse tal circunstancia, excluirase como premiado aplicándose o mecanismo referente ao suplente.
 
Así mesmo, se a persoa que figura no boleto gañador fose un menor, poderá representalo os seus pais ou tutor legal.
 
9)  EXONERACIÓN DE RESPONSABILIDADES

	•	ENTRETENDAS CCU non se responsabiliza do uso que do premio realice o agraciado e non será responsable dos servizos nin produtos que terceiras empresas deban prestar con motivo do premio desta promoción.
	•	ENTRETENDAS CCU non será responsable se o ticket ou factura de compra é ilexible, incorrecto, está danado, perdeuse, sustraíuse ou calquera outra circunstancia allea ao promotor que anule o dereito do gañador a reclamar o premio.
	•	ENTRETENDAS CCU non será responsable por danos e prexuízos de calquera natureza que poidan deberse á falta temporal de dispoñibilidade ou de continuidade das redes de telecomunicacións ou a web ou o microsite mediante o cal participa na promoción.
	•	ENTRETENDAS CCU non será responsable si ao tratar de contactar co teléfono do gañador ou o seu correo electrónico están fora de servizo ou non reciben axeitadamente.
 
10)  DEREITOS E DEBERES DE PARTICIPANTES E GAÑADORES.
 
REPERCUSIÓN FISCAL
 
ENTRETENDAS CCU non se fará cargo dos impostos derivados da entrega dos premios, salvo aqueles que por lei correspóndalle satisfacer, e, no seu caso, practicará o ingreso a conta ou a retención que poida corresponderlle en virtude da lexislación aplicable.  
 
a) De conformidade coa normativa do IRPF os premios desta promoción estarán suxeitos á normativa fiscal en vigor en cada momento, actualmente a Lei 35/2006, de 28 de novembro do IRPF e o Real Decreto 439/2007, de 30 de marzo polo que se aproba o Regulamento do IRPF.
Neste marco legal, establécese que os premios derivados da participación en xogos, concursos, rifas, ou combinacións ao azar vencelladas á venda e promoción de bens e servizos están suxeitos ao ingreso a conta sempre e cando a base de retención ou ingreso á conta do premios sexa superior a 300 €.
En todo caso corresponderá a ENTRETENDAS CCU a realización do ingreso a conta ou a práctica da retención procedente, e ao gañador do GRAN PREMIO DA CAMPAÑA DE NADAL  2011 DE ENTRETENDAS, a declaración correspondente no seu IRPF.
 
b) Con independencia do establecido no punto anterior, o premiado queda obrigado ao cumprimento das súas obrigas contables e fiscais. En concreto, e como suxeito beneficiario do premio deberá declarar e incorporar na súa base impoñible xeral do seu IRPF, a valoración do premio máis o ingreso a conta que ENTRETENDAS CCU efectuara sobre dito importe, de conformidade coa información recollida  no certificado de retencións e ingresos a conta do IRPF que a estos efectos ENTRETENDAS CCU lle facilitará.
 
c) ENTRETENDAS CCU queda relevado de calquera responsabilidade relativa ás obrigas fiscais que para o agraciado puideran derivarse da obtención do premio. A este efecto, ENTRETENDAS CCU emitirá e enviará un certificado cos datos correspondentes ao premio.
 
TRATAMENTO DOS DATOS DE CARÁCTER PERSOAL

A efectos de dar cumprimento a L.O.15/1999, de 13 de decembro, de Protección de datos de carácter persoal, ENTRETENDAS CCU informa de que os datos proporcionados por calquera medio polos participantes da promoción na web  entretendas@entretendas.com serán incorporados a un fichero automatizado responsabilidade da entidade, coa finalidade de xestionar o seu acceso e participación na presente promoción así como poder  informarlle por calquera medio sobre produtos, promocións e servizos con fins publicitarios e de prospección comercial, así como para o uso interno dos mesmos e o envío de comunicacións (a través de chamadas telefónicas, mensaxes sms, mms e correo electrónico) relativos aos aspectos anteriores. Así mesmo, o tratamento de datos incluirá a realización de perfís, segmentacións e enquisas. A realización de tratamentos con fins publicitarios e de prospección comercial implicará facer chegar, por calquera medio información, publicidad e promocións comerciais tanto de ENTRETENDAS CCU como das súas empresas asociadas. O consentimento para o tratamento dos datos para as finalidades informadas entenderase prestado de forma manifesta e inequívoca  mediante a comunicación dos datos a través da participación nas campañas promocionais tanto a través da web como calquera outro soporte físico.  Os participantes poderán exercitar os dereitos de acceso, rectificación, cancelación e oposición  mediante comunicación escrita vía e-mail a entretendas@entretendas.com ou enviando ao enderezo rúa Progreso nº79, local 3B, 36960, Sanxenxo, Pontevedra. ENTRETENDAS CCU adoptará as medidas técnicas e organizativas necesarias para garantir a seguridade e integridade dos datos, así como para evitar a súa alteración, pérdida, tratamento ou acceso non autorizado.
 

CESIÓN DE DEREITOS DE IMAXE

Os gañadores desta promoción  autorizan a ENTRETENDAS CCU a  reproducir, utilizar e difundir o seu nome, apelidos, enderezo e imaxe en calquera actividade publicitaria e/ou promocional que
esté relacionada con esta promoción, todo elo en calquera medio e sen que ditas actividades lles confira dereito de remuneración ou beneficio algún coa excepción feita da entrega do premio gañado conforme a estas bases. A cesión inclúe todos os dereitos de reproducción, transformación, distribución e comunicación pública da grabación ou imaxes captadas, sen limitación de tempo nin territorio.
 
11)  ACEPTACIÓN DAS BASES
 
A participación na presente promoción supón a aceptación integra das presentes bases e a sumisión expresa das decisións interpretativas que  das mesmas efectúe ENTRETENDAS CCU. Para verificar esta aceptación ao participante solicitarase a aceptación expresa no momento de
validación de códigos. No caso de diverxencia entre os participantes na promoción e a interpretación das presentes bases por ENTRETENDAS CCU, serán competentes para coñecer dos litixios que poidan plantexarse os Xulgados e Tribunais de Sanxenxo, renunciando expresamente os participantes desta promoción ao seu propio foro, de resultar distinto ao aquí pactado.  
 
 
  
En Sanxenxo, a 19 de novembro de 2011
Cando: Do 21 de novembro de 2011 ao 29 de decembro de 2011, ambos inclusive.
Onde: Comercios asociados a Entretendas CCU do concello de Sanxenxo.
Como: Merca, recibe un código e participa no sorteo. É moi doado.
Que: Regalos por establecemento e premios finais.
Por Que: Queremos agradecerche as túas compras no comercio asociado do concello de Sanxenxo.
Descargarse as bases
Voltar ó inicio
Podes conseguir moitos

¡Agasallos estupendos!

Bases do sorteo
